今日係 C&F 西貢海灘之旅0既大日子....真係Happy到暈呀！
大家都係玩得之人，除左游水、堆沙呢D列牌野之外，更加加插左沙灘遊戲...『摔角、單腳推人、活埋會長....等等』。而偶像 LAMJI 重好勁咁堆左個 『水溶版LAMJI』，點知LAMJI一走，就俾不法之徒踩爛左呀....幾衰呀！
值得一提0既...就係C&F都係註定同水有緣，因為我地0既特別節目...就係超級無敵....『大咕隆』。話說突然聽到有人大叫....搬野走啦.....啦...啦.....，當然係第一時間衝埋去幫手啦！ (忘記左自己係水著女兒身)
原來有條臭水渠爆左，污水不斷湧出.....形成廈門灣堰塞湖。救災英雄局長、亨利首當其衝被污水圍困，情急之下決定徒手推沙阻止污水湧向大家0既財物。局長好似傻左咁...係咁大笑大叫，亨利就自問自答，不斷傻笑。而水著Maggie就徒手開通引水道，希望令污水轉移方向.....(D水真係好鬼臭呀~~~~)更不時大叫溫家寶總理，希望溫總可以為大家打氣....(溫總睇緊奧運喎~~)。但污水實在係非常澎湃，大家決定放棄領土...拎得幾多就幾多...執野走人...情形真係好似走難一樣，因為我地係用水路。
聽落好似幾攪笑......實情C&F各位家友仔女真係好團結.....危機應變能力確一流......可以同大家一齊渡過咁多特別0既時刻，多謝大家...(滴汗中)。至於我提供0既沙灘用品....只係舊有物資.....駛乜客氣呢！
多謝各位朋友幫我手照顧皓皓,多謝大家俾左咁多歡樂我.......今日真係好開心呀！
